Një instalim i projektuar enkas do t’i japë mundësi vizitorëve të përjetojnë tingujt edhe aromat e periudhës osmane.

Vizitorët e ekspozitës do të udhëtojnë prapa në kohë përmes aromave të përdorura në periudhën osmane: jasemini, trëndafili, dafine, të cilat i kanë rrënjët në historinë e rajonit dhe që janë popullore ende sot e kësaj dite.

Gjithashtu vizitorët do të kenë mundësinë të përjetojnë një shëtitje mes tingujsh, të krijuar nga Andreas Diktyopoulos në bashkëpunim me Geert Vermeire dhe About. Kur vizitorët lëvizin përmes ekspozitës, lëvizjet e tyre ngacmojnë sensorë të veçantë, të cilët do të lëshojnë tinguj në lidhje me çdo fotografi.